【戰況R4】伍鵬志又贏！前高廐馬大變身爆18倍！

第4場四班谷1000米，幾匹後上冷門包T！前高廐馬「心花放」轉伍廐今次初出，沿途隻馬自己搵位上，去到200米內閃但咁先至勁，最終鍾易禮修正後直奔终點，爆18倍冷門，騎者剛周日整親腳退下火線，估唔到今日即刻補數喇。至於第2名係陳嘉熙兜外欄極後殺上的26倍馬「戰鬥英雄」，第3名為潘頓12檔馬「奇寶」。

連勝14日的伍鵬志，贏到36W了，真係勢如破竹，Pierre賽後話「心花放」來投時腳部有裂痕，所以都幫佢鑲咗螺絲，再由頭做過啲工夫，頭3課試閘以為隻馬得一段力，但第四、第五課閘開始試吓教佢留，今場最理想都係想隻馬留一留，鍾易禮發揮出色，完全跟足策騎指示。

至於點解「心花放」今場轉倉初出就跑谷草1000米，練者表示谷1000步速夠快，隻馬暫時嘅留放都係跑1000米最好，所以今場初出就安排佢跑1000米，隻馬減到落嚟呢個分都有啲着數，所以今場都贏得幾好。

練者又透露，報名表一出之後，賀銘年表示已經有坐騎聘約，所以臨時搵鍾易禮騎。

第4場賽果：11-8-2-5

二重彩賽果：11-8(最後賠率312)