【戰況R3】彈甩後面BB班 丁冠豪：我對定數質素有信心

今季最水深火熱嘅練馬師，一定係丁冠豪，佢守齋18個賽日，終於贏得季內第2場頭馬，「定數」喺霍宏聲胯下打開勝利之門，氣走潘頓1.6倍全熱門「非凡達」，後駒騎到盡之下力保第2。今場跑第3名為梁家俊「金獅勝將」，楊明綸「新力」跑第4。

賽後，丁冠豪話「定數」上場跑得唔差，只係排檔唔好令隻馬留得比較後，但都追得好，今次檔位好咗，隻馬交返出水準贏馬。佢本身對「定數」有啲期望，今場雖然同亞軍拋離季軍5個馬位，但大家都係3歲馬，部分未Ready，所以唔可以太作準，之後要睇番對啲舊馬先知隻馬真正能力，但佢對馬匹嘅質素有信心。

第3場賽果：10-1-3-8

二重彩賽果：10-1(最後賠率22)