【戰況R3】陳李妮：同阿囡一齊打氣好Happy

第3場四班1400米賽事，「紫荊綻放」喺艾兆禮胯下閘前落飛變大熱門，呢匹1994年亞姐冠軍陳李妮嘅愛駒果然飛到馬到，一放到底打開在港勝門。今場跑第2名為田泰安「大數據」，但對頭馬完全冇威脅。鍾易禮「加州動員」後上第3，第4名為艾道拿「先到先得」。

賽後，馬主陳李妮話已經好耐冇拉頭馬，賽前都冇諗信心如何，淨係同個女一齊為「紫荊綻放」打氣，依家贏馬好開心。而練馬師羅富全話「紫荊綻放」喺外地跑得唔多，嚟到香港後要慢慢跑幾場適應到，佢己認為隻馬質素唔差，但需要時間適應，今日跑道形勢好似放頭唔差，所以都指示艾兆禮擺前，形勢有利，回升三班後相信仲有得爭。

第3場賽果：2-4-5-7

二重彩賽果：2-4(最後賠率18)