【戰況R2】呂健威狂讚：獨步天下乖巧鬥心強

第2場四班1200米由3大熱門包辦三重彩，但次序就調亂。何澤堯策騎第3熱門「獨步天下」一步不蝕勝出，潘頓大熱門「金榜之星」後上第2，第3名則為田泰安次熱門「智智多寶」，周俊樂落飛馬「極速贏」跑第4。「獨步天下」呢件綵衣特別支持華將，過往兩匹「無價寶」分別由蘇狄雄、黎海榮及梁明偉贏馬，如今喺何澤堯胯下勝出可謂傳承傳統。

此外，「金榜之星」馬主團體成員陳李妮為博愛醫院董事局永遠顧問，而今日舉行博愛盃，主人家未能攞威真係有啲可惜。

賽後，練馬師呂健威話「獨步天下」上次初出已展現不俗追勢，而且極具鬥心，熱身後明顯進步，起碼今場出閘反應有好大改善。「獨步天下」脾性乖巧，所以進度喼住理想，血統應可應付長啲途程，但目前後生，短期仍會繼續跑1200米。

第2場賽果：9-1-8-3

二重彩賽果：9-1(最後賠率27)