【大跑道】智智多寶淡定冇搶口

周日朝未有參戰馬到大圈出試。以下是心水推介：

第3場「智智多寶」未來跑中距離更好，然而有的是質素，尤其係落在今場弱組，縱使路短夠贏有餘了。上仗閘內扭計、大半程搶口，復課操足大有進步，月初從化試閘淡定且冇搶口，更吸引係入直路仍包尾大幅落後，如此情況下也能按韁追上輕勝。

第4場「誠好運」上仗檔差留後無可厚非，但步速並不快，大半程走來欠放鬆，更弊係入直路受困，去到最後250米先至望空，若非如此必入Q甚至勝出。1004磅細細隻已證明孭重磅冇問題，今仗比上次只多負2磅唔使擔心，更重要係復課操足再進一步，質新馬大有前途。

第6場「天天得樂」狀態一早到位，前仗出戰三班強組跑第4，上仗扳到布文一心出擊，然而布文當日剛剛落樓，跑來格外小心，沿途走外疊更留極後只稍稍追近。今戰改配鍾易禮減5磅有優勢，上周五出跳墜手起勁，中年馬罕見有火好兆頭。