大讚氣氛濃厚！深圳遊客預千幾蚊博新年財！

龍年賀歲賽事今日喺沙田馬場舉行，從深圳來港嘅遊客陳小姐嚟過香港玩，但第1次到沙田馬場，覺得新年氣氛濃厚，今日預咗千幾蚊玩吓，希望有斬獲，新年願望係屋企人身體健康。馬迷馬先生每年大年初三得閒都會入馬場行一行，今日都睇啱心水，隨心玩吓，新年願望係大家身體健康。

吳婆婆於早上9點已排隊等入場，佢話每年農曆新年都會入場，務求發個新年財，可惜今年嘅紀念品唔算太靚。吳婆婆透露適逢新年，今日會投注4位數字，而且睇好潘頓，希望贏錢食番餐好。