【戰況R2】荃程路通贏得驚險 蔡明紹話差啲畀黃智弘內閃搞彎

第2場五班1400米係一場極均勢嘅賽事，最後大熱門落喺黃智弘策騎嘅「洪運派彩」身上，但都有7.1倍，結果只跑第4。今場頭馬為文家良馬房、蔡明紹策騎嘅「荃程路通」，直路一度塞車，搞咗一大輪之後才移出望空衝刺，以8倍連捷。艾兆禮「綠族威」落飛一度出頭，最後只跑第2。鍾易禮「美麗多盈」後上第3。

賽後，文家良話「荃程路通」之前未成熟，喺四班跑自然比較困難，但今季有好大改善，馬匹持續進步，上仗都贏得出色，所以今場都同馬主講有信心，但入直路都有啲驚險，蔡明紹話以為內欄有空位，點知放頭馬「洪運派彩」閃返入嚟，好彩「荃程路通」最後都望空，贏得出色，相信隻馬有機會反彈上四班。

第2場賽果：13-1-12-2

二重彩賽果：13-1(最後賠率135)