【戰況R3】表情王派貼士：今日利放呀！

要來始終會來！希威森等待在港策騎第100W，足足等咗1個月，龍年首個賽日終於達成心願，策騎蘇偉賢馬房「拍馬難追」一放到底爆出21倍冷W。今場跑第2名為董明朗「手機錶霸」，霍宏聲「椒椒醒」跑第3，開出$7,814南非騎師三重彩，第4名為蔡明紹「智勁駒」，潘頓1.6倍全熱門「智智多寶」一滴都冇。

賽後，蘇偉賢表示「拍馬難追」昔日喺苗禮德馬房叫做有表現，喺四班又贏過，今場頭馬可以話係賺番四班班利。其實「拍馬難追」近仗已跑得接近，今場重返四班抽得3檔起步，希威森一早話可以擺前啲，見到跑完頭兩場都係放頭好，所以決定再跟前啲用盡內檔之利，結果扳回一仗。

第3場賽果：1-3-10-14

二重彩賽果：1-3(最後賠率78)