【戰況R6】初出贏1400 羅富全：遨遊武士可以再長啲

第6場賽事閘前「友盈友福」退出，令到今場冇馬製造步速，結果羅富全馬房初出馬「遨遊武士」喺梁家俊胯下自行領放，食正今日跑道形勢之下一放到底一出即勝，「遨遊氣泡」打吡綵衣似乎又買到咗好嘢。今場跑第2名為霍宏聲「聚風雲」，潘明輝「風火恆雲」後上第3，第4名為蔡明紹「旺旺快駒」。

賽後，羅富全表示「遨遊武士」初到香港時進度較慢，行機嗰陣打腳整到後甲，所以搞咗輪健康，但隻馬試閘愈來愈好，埋門一課令人滿意，所以操好先出，而今日利前置馬，本身以為「雙贏」會放，但後尾只得「遨遊武士」自己放頭，賺到形勢一出即勝。「遨遊武士」父系「異見客」在港子嗣都係中距離為主，羅富全認為「遨遊武士」係中距離馬，所以初出已經跑1400米，日後可以再跑長啲。

第6場賽果：9-11-6-8

二重彩賽果：9-11(最後賠率129)