【戰況R7】潘頓忍功一流 幫希斯明星馬補中！

第7場三班田草1200米，兩次敗於「氣勢」的潘頓坐騎「嘉應高昇」，熱到得1.3倍，結果呢匹擂台躉，在潘頓胯下發揮到毫顛，沿途走2疊4、5位，直路初段撳住湧上來，但潘頓未騎呀，等到入面亞軍「愛馬善」Fight Back一段用得七七八八，佢先至全力鞭推，全靠佢忍功一流，最終「嘉應高昇」得以重新坐正，潘頓頭6場輸晒之後，到呢場賀年了。是場跑第3、4名，係灰馬「光年八十」及後上平平的第3熱門「歡樂至寶」。

贏到22W嘅希斯，表示今次強手已去，自己一駒終於坐正，而「嘉應高昇」都交出好好表現。此駒上幾場都係打硬仗，而今場贏馬距離雖短，但睇到隻馬開始慢腳，所以日後都係要增程，不過跑完今場都畀隻馬抖抖先，今季可能跑多2至3場爭分，睇吓下年可唔可以跑大賽，自己對此駒部署都唔會太急進，因為隻馬今季先3歲，仲係非常後生。

呢場賽後，見到92歲嘅修哥都有份拉頭馬，希望佢新一年健健康康，多啲入馬場同大家見面喇。

第7場賽果：4-9-8-3

二重彩賽果：4-9(最後賠率14)