【戰況R11】第一次做馬主就響賀歲賽拉頭馬！

今日賀歲賽，邊個騎師最應節？咁一定係賀銘年喇，呢位冷門騎師，去到尾場三班田草1400米，大打身價波，胯下的黎廐馬「跑得好快」兩度在短途跑近後，今次增程即刻爆出強勁追勢，一路殺上擊敗贏完升班的「巴閉仔」同上次大熱同程取勝的「馬林」，爆出30倍大冷W，賀銘年第10W到手，今次賀年成功了！

贏到第18W嘅黎昭昇，表示「跑得好快」對上幾仗已展現好好後追力，今場除去頭罩因為隻馬過往會諗嘢，但現時有改善。感謝馬主有耐性，馬主係首次養馬，能夠喺農曆新年賽馬日幫佢贏馬感到開心。

第11場賽果：12-11-1-13

二重彩賽果：12-11(最後賠率399)