谷戰初登場 湯普新有冇獎金收？

澳洲好手湯普新尋日大年初三賀歲戰喺香港首度上陣，唔知大家有冇留意到佢呢？如果冇嘅，都唔怪得大家嘅，事關佢5匹坐騎都不入三甲，當中「烈火寶馬」、「隱形翅膀」、「星耀王者」名次都係雙位數，最近個場已經係跑第7名嘅「神魔金剛」，而睇番佢呢啲坐騎分量，都係合理賽果。

而喺今個禮拜四嘅跑馬地賽事，谷草初登場嘅湯普新騎5駒上陣，就係第1場「威望」、第2場「全神貫注」、第4場「望風披靡」、第6場「有你有我」同第7場「新幹線」，睇落餐士真係麻麻地，部分係近都未近過，唯一好啲就係「新幹線」，話晒對上3次跑谷草1200米攞到1冠1亞，上場只係搶口交唔出水準，今次再跑同程埋門由韋達一手快跳，最近交畀湯普新操，睇吓能否幫佢攞到啲獎金啦。