有冠軍騎師幫手 石哥繼續食頭胡？

近年都係要捱打嘅徐雨石，尋日大年初三有個好開始，憑21倍冷門「中華威威」攞到龍年首場頭馬，意義重大，即使係五班頭馬，對護級冇太大幫助，相信對提升馬房士氣亦有一定作用。至於年初六嘅谷戰，石哥又有機會食頭胡，事關角逐頭場五班谷草1200米嘅徐廐馬「前風」，今回強配潘頓，決心非常明顯。

雖然已經兩季冇贏馬，但「前風」經常於谷草1200米有接近演出，最近更落到五班，前仗喺同程後上跑第2名，點知上場又打回原形，表現未如理想。既然係咁，徐雨石今次索性搵潘慣幫手，都係想拚個明白，而此駒上季尾曾由潘頓策騎跑四班此程，只係輸短頭位畀「迎樂」，證明人馬合拍，今次加埋3檔好位，值得重視。