頭兩名都傷咗 閃電反先有可能！

為期大約半年嘅跑馬地百萬挑戰盃，原來去到下周三就係壓軸戰，換言之得番兩個機會畀啲谷草專家爭分。不如講返依家跑馬地百萬挑戰盃積分榜形勢，「超超比」以49分排榜首，伍鵬志嘅「財才」以46分排第2位，「合夥雄心」落後1分以45分排第3位，但「超超比」同埋「財才」早前不約而同受傷，近期先開始恢復踱步操練，相信喺下星期壓軸戰上陣機會極微，換言之冇機會爭分，令其他馬仲有啲餐士後來居上，就係第8場嘅「閃電」。

今季轉跑谷草短途試出彩虹嘅「閃電」，已經喺積分榜都有37分排第6名，如果周四谷戰可以順利贏馬增添15分，就會以52分升上榜首，當然此駒自從於谷草連贏兩場谷草1200米後，演出開始回落，上月尾用巴度都表現一般，但今回埋門突然整兩課跳3段，唔知會唔會變身交出好成績。