退役潮！今日多達6駒除名！

成日話現時馬圈唔夠馬，今日更一下子唔見6隻！轉過去黎廐的過氣短途王「福逸」，剛剛試閘第2但驗到流鼻血，12捷兼3勝G1良駒，始終都敵不過年齡天敵，但能夠累積到6,862萬獎金，真係好犀利喇，今日馬主安排入紙同各位講拜拜！今季由羅廐轉投巫偉傑馬房的5捷泥地大逃馬「幸運傳奇」，表現持續跌Watt，昨日跑泥地只以第10名過終點，亦都決定告老。葉廐3戰全敗質新馬「暴風神」、鄭廐9戰處女戰駒「八威小子」及成哥1捷馬「想見你」，今日都退役。

至於昨日戰至跛腳的「美麗宇宙」，今日亦正式被取消登記，此匹東廐馬未來港前曾勝南澳打吡，來港首戰亦即勝，但之後再無建樹，現時以悲劇作結，相當可惜。