爭分跑打吡 全哥幫明亮天下出必殺技

羅富全馬房「明亮天下」今季在港一出即勝，更成馬房季內首匹一出即勝自購馬。而「明亮天下」上仗在港第2次出賽就增程至1400米，結果以3乘半見負。今仗「明亮天下」再增程至1600米，將列陣第10場三班田草1600米，此駒有報打吡賽事，今次增程當然係想爭分跑打吡啦。

羅富全接受訪問時，表示「明亮天下」其實上場跑得唔錯，但礙於抽11檔起步，早段走位比預期後，當日留得太後都比較難追，所以對佢表現都收貨，不過「明亮天下」本身喺外地都贏到1600米，路程上都冇問題，日後再增程都OK，所以今次都增程上一哩試。由因今次增程，所以都唔戴眼罩，換開縫眼罩，亦係呢隻馬喺澳洲嘅贏馬配備，主要希望隻馬唔好咁急。另外，今次抽到4檔起步，排位比上仗有改善，練者寄望此駒出閘順利的話，可以守番居中位置，從而交出好表現，全力爭分跑打吡大賽。