【戰況R2】呂健威畀貼士：獨步天下有好大進步空間

希威森與呂健威頭場憑「開心寶寶」爆冷食頭胡，第2場乘勝追擊，「獨步天下」早段守貼欄第3位，直路望空即趕過對手，騎練攜手起孖，呢個組合之後場次仲有「龍之輝」、「勁速威龍」同埋「包裝必勝」合作，且看會唔會再有頭馬進帳。

賽後，呂健威認為「獨步天下」上場嘅前列馬匹已證明屬於強組賽事，剛戰初次增程跑1400米，效果已相當不俗，呢匹質新馬晨課向來表現得好乖巧，增程認定絕無問題，雖然今次閘前仍有點脾氣，因為始終仲後生，估計日後仍會有大幅進步空間。

今場跑第2名為田泰安「綠族威」，董明朗「金勝名駒」後上第3，第4名為陳嘉熙「無敵勇士」。

第2場賽果：2-14-11-9

二重彩賽果：2-14(最後賠率27)