近期出真工夫！告東尼沙田杜拜左右開弓！

告東尼已連勝7日狂執11W，頭馬數字扳上33W，氣勢正盛，今次派9駒出動，「樂滿貫」剛於田草1200米重開勝門，今次續攻同程，趁勇必拚盡。「快路」近兩戰出爭4歲馬系列香港經典一哩賽及香港經典盃未竟全功，今跑三班重返贏馬路程1600米要吼實。

尚有第8場近仗後上甚勁、連續3仗上名的「讓愛高飛」，上仗力追「海藍寶」得季軍，現時身處四班有權贏番次，用鍾易禮減5磅着數。告東尼有望在港連贏8期之餘，更有「加州星球」遠征杜拜，此匹東廐鎮倉寶上次在女皇銀禧紀念盃力克繼後在打吡得亞軍的「錶之銀河」，明顯盡復功架，呢期告東尼沙田、杜拜分途出擊，隨時兩地贏晒！