唔理金鎗定金發 威哥爭冠乜都殺

目前在練馬師榜守住第2位的呂健威，只係落後伍鵬志10W，估計呢場爭冠戰會鬥到季尾，而威哥之前已表示會毫無保留，同時鎮倉寶馬王「金鎗六十」亦於本月初恢復快跳，本周二亦曾進行過草地快跳，估唔到相隔兩天，今早再由主操手余健誠於大圈省多課800米快跳，進度不錯，繼續向4月尾舉行的冠軍一哩賽目標進發。

然而，除了「金鎗六十」之外，威哥對廐內其他有金字馬名的馬匹也好着緊，今早為公眾假期，但練者留到7點45分都未肯收工，原來係為了觀看出戰周日沙田賽事的「金發銀發」，由周俊樂在大圈主持最後試跑，是課為鞍上人首朝過檔，惟走勢從容淡定，可見人馬合拍，期間威哥親自打錶計時，重視程度可見一斑！