金鎗六十試閘火噴噴 何澤堯滿意狀態

「金鎗六十」去年攻下香港一哩錦標後，本來部署出戰三冠大賽首關，1600米一級賽董事盃，不過此有輕微足部問題，最後棄爭這場一級賽，隨後有4星期只可進行慢操。不過「金鎗六十」上個月已恢復正常工夫。今晨(4月2日)「金鎗六十」進行2024年首課試閘。

「金鎗六十」今日由老拍檔何澤堯主理試閘，早段留後，入直路在何澤堯胯下慢慢上前，最後以第3名過終點，而此組試閘由「潮州精神」勝出。而「金鎗六十」試完之後都仲係好好火，返機坪時都有起飛腳。

試閘後，何澤堯接受訪問，表示「金鎗六十」始終抖咗一段時間，狀態當然未到十足，但今日試閘時出閘俐落，走勢順暢，而且末段交出唔錯反應，相信試完呢課閘之後狀態會更進一步，目標放在4月28日冠軍一哩賽。