福永祐一從練進軍分級賽 野田赤蠍跑G2京王盃

福永祐一3月初響栗東開倉，正式展開個人練馬事業，雖然初期兵源所限，旗下馬匹出賽次數唔多，不過上名紀錄就唔錯，出馬8次就取得3亞2季，嚟緊響5月1日佢將會部署旗下最高級數馬匹「野田赤蠍」，出戰1400米G2京王盃春季盃。

「野田赤蠍」今場將會係轉倉之後，新馬季首場賽事，福永祐一透露有一個嶄新配搭，由戶崎圭太出戰。

雖然「野田赤蠍」去年經歷過一個較沉寂馬季，但福永祐一認為馬匹仲係5歲當打之齡，以呢匹貴為2022年NHK一哩盃冠軍得主，已證明有足夠躋身一級賽能力，佢熱切期望馬匹響新環境下，可以會有突破性進展。

「野田赤蠍」響5月出戰G2，不過呢場賽事，並唔係福永祐一從練首度衝擊分級賽，響本月13日，佢已經部署旗下潛力唔錯嘅Channel Tunnel，出戰響阪神競馬場舉行嘅1600米三級賽雅靈頓盃。