希斯重量級新星 下周二試完草閘隨時候命

希斯今季引進嘅澳洲名氣自購馬「禾道小子」，貴為去年G1藍鑽石錦標得主，自然成為今季新馬榜矚目焦點，而呢匹馬雖然未跑，但練者已為呢匹馬報咗冠軍賽馬日嘅主席短途獎，可見自視幾咁高。

不過希斯坦言，以目前評77分，相信都難以同一班高分年長精銳硬撼，與其打無把握之仗，倒不如按部就班，循序漸進專注於原班賽事，留待暑期轉4歲後，以新季各項短途大賽為目標。

希斯又透露，「禾道小子」來港後適應水土理想，已安排呢匹馬響下星期二再參與草地大閘，進度滿意的話，好快就會開上前線，而呢匹馬自1月落地開操至今，已經試咗3課大閘，連場下周二嘅草地大閘，都係一手由布文包辦。

希斯表明，「禾道小子」出戰主席短途獎嘅機會微乎其微，唔排除響同日上陣，出戰三班1200米。