首戰熱身輕鬆取勝 譽滿杜拜落實征港

英國賽駒「譽滿杜拜」雖然輕傷影響進度，錯過今季再戰悉尼秋季嘉年華機會，不過響周一金頓馬場嘅沙地賽事，由莫雅接手出戰一場一班2000米賽事，末段收韁下，以3馬位之先，輕鬆過終點。

「譽滿杜拜」星期一響金頓復出，角逐一場2000米表列賽Magnolia Stakes輕鬆取勝，取得自去年女皇伊利沙伯錦標後，剛好接近1年嘅久違了勝利。

練馬師郗國思對於今場熱身賽表現滿意，並且透露已經接納香港賽馬會嘅邀請，4月28日將會重臨出戰女皇盃。今次已經係「譽滿杜拜」第3度來港，首次來港響2021年香港盃跑第4，而去年女皇盃名次稍進跑第3。

過往此駒一直都係由馬昆主理，不過由於身在澳洲，響悉尼秋季嘉年華客串，所以今場復出，就由莫雅代勞，相信稍後第3度來港，回配馬昆應該係正路配搭。