【戰況R3】潘頓莫雅都冇符 結果畀艾道拿搞掂

「德心知遇」今季9戰草地賽未能開齋，即使潘頓或者天下第一高手莫雅亦冇晒符，今仗唯有搞搞新意思轉戰泥地，結果喺艾道拿胯下打開勝利之門。今場跑第2名為黃智弘「勝利神駒」，董明朗「九秒九」後上第3，第4名為田泰安「型到爆」。

賽後，馬主之一嘅鄧詠琪表示「德心知遇」泥閘試得好，所以蔡約翰安排一試泥地，練者認為隻馬來港後需時適應，同埋都係試咗一課閘就出賽，跑完幾場之後狀態及食料都好，雖然今場泥地贏馬，不過之後部署都係交畀蔡約翰決定。

第3場賽果：3-5-1-12

二重彩賽果：3-5(最後賠率46)