【戰況R4】鍾易禮又幫師傅贏馬 差3場就畢業了！

第4場四班泥1200米，大熱門「鑽飾璀璨」力鬥下僅得第4，至於5試泥閘贏晒的「美麗緣分」，轉彎拍上來帶頭係威係勢，但轉場依舊係虎頭蛇尾，反而近期手風甚順的告東尼，今場又有落班的「花果猴王」在徒弟鍾易禮胯下以勁勢撲上，呢隻馬最後400米在外欄追5、6個馬位，反先亞軍田泰安匹「實力哥」及季軍霍宏聲的15倍冷門「機械戰士」，騎者以往多數靠放頭馬建功，估唔到依家後上馬都舞得掂，係進步咗噃。練者今季第34W到手，至於鞍上人鍾易禮，亦奪下本身今季第36W，差3場就畢業，佢3月份已經幫師傅贏到5W，兩個好合拍呀。

「花果猴王」係摩家引入，過往呢系贏馬，好多時都見到前練馬師大摩現身，不過今晚佢冇到場呀。

第4場賽果：1-2-7-12

二重彩賽果：1-2(最後賠率48)