【戰況R6】昇瀧駒馬主：廖康銘離港前 交低話隻馬W呀~

第6場三班泥1200米，廖廐新勝馬「昇瀧駒」成為2倍大熱門，呢隻馬今場又放頭走，直路初曾經畀外欄殺上的「凱旋星光」拍上來似過，但拉士回氣又Fight back，今場頭兩名所造末段時間分別為22秒38同22秒18，雙雙彈開餘駒，睇吓冠亞軍水準高呀。是場跑第3、4名，則為在內欄捱到的「時時滿意」及後上一段的「天行健」。

廖康銘去咗澳洲買馬，所以今晚不在場，而馬主團體經理人之一謝海發教授表示賽前對「昇瀧駒」好有信心，練馬師都交低隻馬狀態好好，所以今日都有好多朋友入場一齊拉頭馬，最緊要一齊開心。呢場賽後，見到應屆澳門冠軍練馬師劉志森同前澳門冠軍騎師杜頓拉頭馬。

第6場賽果：5-2-6-8

二重彩賽果：5-2(最後賠率48)