【戰況R7】年年友福馬主：鄭俊偉話湯普新係好騎師

湯普新今季來港發展，跑咗一段時間只贏得2W，而且為同一匹馬「魔法速遞」，今季終於有所突破，佢策騎鄭俊偉馬房「年年友福」爆出43倍大冷門，取得在港第3W，而鄭俊偉今晚起孖，只差6W就及格上岸。今場跑第2名為黃智弘「加非凡」，潘頓「城中勇士」跑第3，第4名為潘明輝「怪獸奇兵」。

賽後，馬主蘇永強表示今場跑泥地係自己嘅意思，因為「年年友福」全兄弟馬喺日本跑泥地贏咗8場，深信「年年友福」泥地性能冇問題，即使跑草地都OK，之前幾場都係敗於塞車。至於點解今場換人而冇用賀銘年，因為賀銘年上場騎「領航宇宙」，黎昭昇畀好多馬佢跑，所以都明白佢放棄「年年友福」，而上仗騎師董明朗今次唔得閒，所以鄭俊偉提議用湯普新，仲話湯普新係好騎師。雖然湯普新在港經驗淺，但「年年友福」泥地得都應該冇問題。

第7場賽果：12-2-9-3

二重彩賽果：12-2(最後賠率469)