【戰況R8】上期黑晒面 方嘉柏爆19倍W開心番晒~

尾場三班泥1650米，早段步速好快，加上今晚利追，結果去到拉士100米，已透出的田泰安坐騎「都靈福星」頂唔到只得第2，呢場頭馬係留到最後的柏廐馬「獨角獸」，此匹季內4捷谷草馬今次過場一樣咁勁，在楊明綸胯下逢馬過馬跑第1，今季5捷喇，賽後破悶局的綸仔好High，至於剛周日搏輸「旗幟鬥士」連輸8期黑晒面嘅方仔，今日止頹勢都好開心，梗係喇，「獨角獸」今晚獨贏成19倍分頭！是場跑第3、4名，係大熱門「魅影獵飛」及蕭家軍的「柏林探戈」。

馬主之一陳德華表示「獨角獸」季內幾W雖然都係谷草贏馬，但係之前隻馬泥閘試得好，今次轉跑泥地一試，睇吓可唔可以搵多條出路，而今場排外檔起步，賽前都有擔心，但愛駒一向係後上馬，所以沿途留後再爆都冇問題。

第8場賽果：12-7-4-5

二重彩賽果：12-7(最後賠率147)