【分分制勝】初出倒灶喘鳴症所累？原來另有原因

呂健威在近期的沙田日賽，一係不贏，一贏就2W或中三元，攻勢猛烈，雖然今期田戰出馬不多，但質新兵「綠族豐收」及「紅錢到」均實力相當，仍保持起孖機會。

第5場三班1200米，「綠族豐收」上次在港初出，即被捧成4倍熱門，可惜鞍上人布文發揮平平，沿途游走外疊蝕位，末段騎落亦欠狠勁，最終只得第7名，賽後更被驗出患有「喘鳴症」。其實，此駒於2月2日在從化勝出試閘，賽後亦出現喘鳴情況，暫時仍未需要接受手術，估計有關情況輕微，初出之所以失準，或可歸咎於走位問題。

「綠族豐收」拚後一星期，已經重新進行快試，走勢亦佳，反映不存在健康毛病。埋門再與「包裝天將」拍跳，沿欄走來相當活躍，論態續有進展。今次再爭田草1200米，改抽內檔，只要順利找到遮擋，應可展現最強威力，作出反擊。

■明治朗