【戰況R3】千奇百趣！蘇偉賢：金勝名駒要氹㗎！

董明朗剛周三策騎「大學生」因馬鞍滑移關係，直路橫掃千軍，好彩依然贏馬，此子今日第3場策騎蘇偉賢馬房「金勝名駒」，直路望空後都一度片來片去，幸好修正後走到直路，就此率先衝線，為此駒打開在港勝利之門，騎者亦連贏兩日。今場跑第2名為周俊樂「翹峯」，潘頓2.5倍大熱門「競駿天下」跑第3，第4名為何澤堯「大千眼界」。

賽後，蘇偉賢表示「金勝名駒」初來香港時都幾難搞，直頭埋唔到身，需要時間適應，並唔係唔聽話，只係需要時間氹，而隻馬近兩場展現出能力，上場末段締速出色，今場抽1檔起步係有些少擔心，因為隻馬未抽過咁好檔，都驚會困死唔識跑，好彩騎師了解馬性。「金勝名駒」今場贏得算輕鬆，希望評磅員加分唔好咁重手，因為隻馬唔大隻，孭重磅未必好。

第3場賽果：9-10-13-1

二重彩賽果：9-10(最後賠率88)