【戰況R9】近6期狂贏7W！表情王差一場畢業喇~

第9場四班田草1400米，近6期執5W的賢廐，又有「馬主雄風」得手！此馬在港第4戰開齋後，已經輸足好多場，不過今次轉晒配備兼縮程，即刻脫胎換骨，沿途在希威森胯下守在馬林中間位置，直路多番搵位後，終於望空竄上，壓下亞軍潘頓放頭馬「金榜之星」及季軍何澤堯的「信心星」，在港贏到第2W了。

起完孖嘅蘇偉賢，只係差一場非五班頭馬，就可以達標上岸！賽後表情王話「馬主雄風」來港初期已展現能力，但之後進度徘徊，唔少騎師都索騎，但跑完匯報「馬主雄風」仲好後生，潘頓都話隻馬好BB，但跑咗咁耐都冇理由仲BB，所以都轉吓配備，所以都搞咗一輪，個分都慢慢落番有利水平。今場賽前特登安排「馬主雄風」抖耐啲再拎上從化訓練，再報贏馬路程，今場換配備後馬匹走勢明顯改善唔少，結果終於再贏。

第9場賽果：8-3-9-6

二重彩賽果：8-3(最後賠率32)