【投注見解】「進」攻靠最佳拍檔何澤堯

不愧為現役贏馬最多的本地騎師，何澤堯傷愈復出的第2個回合即梅開二度，身手依然，暫只落後師弟鍾易禮9W，如無意外可在今季餘下日子後來居上，再次奪得「告東尼獎」。

何澤堯今期坐騎不算多，集中在後半段場次，第8場「銀進」故劍重逢，是騎者其中一匹有力爭勝分子。這匹5歲馬在港兩場頭馬皆由何澤堯於上季建功，今季最佳名次也是騎者執韁，配上其他騎師成績慘不忍睹，只有陳嘉熙上名1次。近況方面，此駒一連兩仗交布文出擊，前仗跑谷草1200米排1檔，全程貼欄慳位，可惜入直路於緊要關頭受困無法催策；上仗增程一哩，鞍上人末段搵位不順，且在最後幾十米受到左右兩旁馬匹干擾，無力施為下只輸1個馬位。連續兩仗都輸意外，今番重配最合拍騎師何澤堯，應可收復前失。

■梓忠