天下寵兒拋跌希威森 不過順利試到閘！

前新聞女主播周嘉儀近年轉戰金融界發展，但她亦對賽馬興趣濃厚，不時出入馬場觀賞賽馬。周嘉儀今季起已榮升馬主，亦購入3歲PPG「天下寵兒」來港，交由呂健威訓練。「天下寵兒」在4月9日原定試800米草閘，但當時此駒把何澤堯拋下，最後退出試閘。而此駒今日(16日)重新再試閘，出試第3組1050米泥閘，不過鞍上人就換上希威森出試。

周嘉儀今日(16日)8點左右已抵達沙田馬場，由呂廐副練薛順強陪伴下睇實愛駒試閘，不過「天下寵兒」仍然稚嫩，閘前一度拋下希威森，但未有走甩，最後希威森成功上馬並順利以第4名完成試閘。周嘉儀在試閘後都表示，今日愛駒只是第1次試閘，表現仍然稚嫩，仍需要時間慢慢成長。