【戰況R4】三疊都有賺？沈廄孖寶蝕水一半！

鍾易禮今季達成畢業壯舉只係遲早嘅事，今晚谷戰佢又有頭馬交出，第4場四班1800米，佢策騎13倍冷門「躡景追飛」沿途走外疊，直路率先走甩頂到尾，為佢帶來香港見習騎師生涯第68場頭馬，尚差2W就畢業，而練馬師沈集成今晚咁快已經起孖，呢口第3口孖寶蝕水一半，有人肚滿腸肥了。

賽後，沈集成話「躡景追飛」上季好地地，唔知點解突然間漏氣咁，不過近幾場有番啲腳影，加上評分已屆新低，今場搵鍾易禮減5磅亦有優勢。今仗5檔起步，賽前預料守二疊，但最後走咗3疊，雖然蝕腳程，但賺咗場地偏差，因為今日內欄似乎麻麻，而鍾易禮都跑得好，亦係進步緊嘅騎師。

今場跑第2名為董明朗「金德義」，希威森「領頭先駒」跑第3，第4名為田泰安「巴基之友」。

第4場賽果：11-9-10-8

二重彩賽果：11-9(最後賠率123)