【宣告失敗】朗朗乾坤將移民返澳洲

希斯馬房旗下的「朗朗乾坤」在今年1月21日及2月18日出賽時連續兩次拒絕出閘，馬會需要牠進行連續5次試閘合格後，才准許馬匹再次上陣，不過今朝此駒又出事。

「朗朗乾坤」安排出試第2組快活谷閘，田泰安在亮相圈上馬時原本十分順利，但行出草地一刻突然縮腳唔肯行，阿田無可奈何地落馬，由儀仗馬拖行一段路也無乎，繼續唔肯走去閘口，最終被勒令退出。「朗朗乾坤」第2次考閘宣告失敗，意味著好大機會要返澳洲從過新生活。希斯其後都表示好無奈，因為「朗朗乾坤」喺雙魚河冇問題，但每當安排佢去從化、沙田、跑馬地，佢就開始拒絕出草地又或者入閘有問題，自己都無能為力，亦都感到可惜，因為此駒閘廂冇問題的話，會係一匹好高成就嘅競賽馬。

希斯另一焦點馬「禾道小子」已報名出戰4月28日主席短途獎，與「加州星球」對壘，此駒於今晨也有份參與試閘，在第3組由田泰安考驗，走位7 9 7，未有顯露真正實力，且看到正式上陣會否脫胎換骨。