【露露通】仁心星迎難而上

鍾易禮只差1W就畢業，此子畢業後就得番黃智弘一個見習生，所以最近有傳好快就會有女見習學員回流香港，現時有3位女見習學員在海外受訓，季尾有見習生回流香港自然吃香，希望新見習騎師都可盡快返港，始終海外同香港環境唔同，盡快適應香港環境對其日後發展有利。

第10場三班1400米草地，柏廐「仁心星」出道至今未抽過好檔，連同今仗10至14檔都跑勻晒，不過新馬好快已經克服到外檔贏馬，留後同跟前都冇問題，3歲馬上仗負重磅落敗，但比佢先到終點嘅「金勝名駒」已補中，而第4嘅「無敵勇士」再出入Q，證明水準。今次賽前方嘉柏早已安排楊明綸過檔試草閘，評60分挑戰三班，成冷唔好擺低。