上海歎蟹粉灌湯包係基本 返港變肥仔潘！

剛周六(20日)跑完沙田日賽，一班騎練周日都可以放假！連食3期白果嘅潘頓都選擇離開香港放鬆一番。佢同太太Nicole昨日(21日)就去咗睇一級方程式上海站賽事，而潘頓仲笑容滿面，冇畀自己連輸3期影響到心情，仲去咗7屆世界冠軍咸美頓嘅車房外打卡，夜晚仲去咗上海塔。

F1上海站已經圓滿結束，潘頓都逗留多一陣，同太太Nicole周圍食好嘢，兩夫婦去咗上海豫園觀光，而潘頓仲食上海名物蟹粉灌湯包，個包份量十足，潘頓想唔變肥仔都幾難！今期跑馬地9場賽事，潘頓騎7場上陣，其中「美麗第一」、「錢多多」、「高份數」挾新勝而臨狀態大勇，睇吓潘頓可唔可以靠佢哋一掃悶氣，做番齣好戲啦！