樂景傑錦標賽日轉播 周吉佩更飛抵當地獻唱！

英國平地馬季已經開鑼個多月，在下個月開始陸續上演唔同嘅一級賽，當中路程為1600米嘅一級賽樂景傑錦標將於5月18日喺英國紐百利馬場舉行，香港馬會同日將會轉播樂景傑錦標以及同日4場賽事來港供馬迷觀賞。除此之外，呢場賽事更設立全球匯合彩池。

樂景傑錦標賽馬日當日，英國紐百利馬場設立一個新園區Hong Kong Garden，提供飲品和食品之外，更有多項娛樂節目供馬迷觀賞，其中「中年好聲音」冠軍周吉佩更會在當地獻唱。紐百利馬場高層Mark Leigh表示好高興今年樂景傑錦標賽日可以推出Hong Kong Garden，此園區標誌住紐百利馬場同全球匯合彩池嘅合作夥伴關係發展良好，希望今次可以吸引唔同顧客入場，為佢哋帶來精彩節目。

至於香港馬會投注產品執行總監范梓文就表示，「熱心」(Warm Heart)、「鯊中鋒」(Shaquille)等佳駟去年曾在同一賽日贏馬，賽事水準甚高，好高興可以繼續將樂景傑錦標帶到全球匯合彩池。