【大灣區航空Winning Post】郎善好施重響勝鼓

周三夜賽在谷中舉行，編跑9場草地賽事，中下班場合較多，有部分場次形勢頗亂，是爆冷溫床，宜揀有重心馬的場合作投注。

其中最值得睇好者，乃是第8場「郎善好施」，這匹質新馬實力未見盡，牠在來港後只跑過5仗，取得1冠1亞成績，但升上三班之後未見有進步演出，馬房手足話牠要適應期，上仗在田草亦有走勢，拚後已加強做工夫，現時狀態已復勇，排位朝梁家俊亦到馬房睇馬，並與廐主研究軍情，對這匹「郎善好施」特別重視，且研究作戰策略，今次回降四班上陣應有便宜，路合檔佳，有望重響勝鼓。

同場最強對手應是容廐的「高份數」，此駒實力絕對不弱，上仗同程谷草1200米配潘頓贏得輕易，今戰仍有爭雄之力。「正氣青驅」亦有實力，但排檔欠佳，吃虧多少，爭位材。「進優自在」路合磅輕，可以拖埋。