【戰況R3】呢隻閘前倒水飛得手 有人抬錢走喇！

第3場五班谷1200米，大熱門係「俏郎中」，此匹韋達馬用到布文，一路走3疊拉士抄出外欄衝走勢好好，但點都係過唔到前面灰馬「鑽石寶寶」，只屈居亞軍。「鑽石寶寶」過往有好表現都響谷草1000米，谷1200米3戰則全敗，但今次放頭走得好順，真係畀佢帶到返來，大家再望下電算機，呢隻有聰明錢殺到，由10倍著綠格打到落6.2倍得手，有人抬過百萬走喇！是場跑第3、4名，係排1檔走入面的「駿先生」及只負110磅的35倍冷馬「錢途光明」。

贏到第42W嘅姚本輝話「鑽石寶寶」上星期檔差影響發揮，佢唔算聰明，需要有檔位幫手，本身馬匹表現飄忽，今日有5檔幫手加上場地變化令馬匹可扳回一仗，以其今日贏馬姿態，回升四班負輕磅仍有周旋餘地。

第3場賽果：7-3-4-12

二重彩賽果：7-3(最後賠率12)