【應總都有嚟】女皇盃前夕 大至尊舉行打吡慶功宴！

嚟緊周日，葉廐鎮倉寶「大至尊」就會首度進軍一級賽女皇盃，而今日幕後就先提昇士氣，喺馬會山光道會所舉行香港打吡大賽慶功宴，頭先見到潘頓一家同埋練馬師葉楚航到場，之後馬會CEO應家柏都有嚟呀。

席間馬主陳金雄話首先好多謝馬會，令佢喺95年中第一支籤，可以買馬，當時投咗拍賣馬「永快活」，但成績平平，之後都養咗廿匹馬，普遍都係成績一般，冇一隻可以回到本，但佢話一直堅持自己，之後經囝囝朋友Andy 介紹買入「大至尊」，佢當時過透過轉播賽睇過呢隻馬，後勁好強，所以特別有印象，結果一傾就買到，係佢養馬最好彩一次，總算夢想成真，好馬要有好嘅練馬師同潘頓，有咁嘅房績要靠騎練努力。