甩韁繩都贏薛恩麥道朗 薛凱華捧南澳橡樹大賽

雖然冠軍賽馬日聽日就舉行，但兩位嚟客串一日嘅好手麥道朗同埋薛恩，今日仍於南澳洲嘅萬富圍焦點賽日中上陣，事關佢哋都喺只限3歲馬女參戰嘅2000米一級賽南澳橡樹大賽有坐騎，薛思為莫德嘅「快蹄女將」(Quickster)效力，而麥道朗就策騎華禮納嘅「市議會」(. Concello)，可惜兩駒都三甲不入。

反而由薛凱華嘅Vibrant Sun今日就有優異演出，入直路後已經率先透出，只係鞍上人就非常狼狽，事關跑到最後200米，佢就甩咗半邊韁繩，自然未能全力催策，而韋紀力同賈傑美嘅坐騎喺外疊如狼似虎殺上，最後Vibrant Sun僅僅捱到，為佢帶嚟第30場一級賽勝仗。