麥道朗：賽事途中形勢惡劣 浪漫勇士咁都贏到！

第8場女皇盃2000米一級賽，今季尾先後贏得覺士盾、香港盃及香港金盃的今季馬王鼎頭大熱門「浪漫勇士」，成為1.9倍大熱門開跑，今場麥道朗無擺前走，反而居中間外疊位，彎位其他馬都泊上來，佢仲未上，以為唔對路喇，點知去到直路「浪漫勇士」擺正軚後，在外欄拍住日本代表「先見」殺上，去到最後50米，「浪漫勇士」級數真係高啲，成功壓下「先見」，連續3季摘下女皇盃，堅係犀利！講番「浪漫勇士」今次摘下第14捷，累積獎金已衝破1.4億，奮力追緊「金鎗六十」1.6億！是場跑第3、4名，係104倍日本大冷門馬「北橋」及巴度74倍的「越駿歡欣」，至於應屆打吡冠軍「大至尊」，則未能發揮後勁，只得以第8名過終點。

麥道朗話不能用言語形容呢一刻心情，佢話「浪漫勇士」係一匹難以置信嘅好馬，佢話去到中途處境好惡劣，都可以克服難度贏馬，真係好犀利。此馬今季已連捧4場G1，睇嚟今屆馬王都係佢喇~

第8場賽果：1-4-9-10

二重彩賽果：1-4(最後賠率7.8)