超強版六十試跑 小方出草地睇餐飽

昨日冠軍賽馬日，萬人迷「金鎗六十」久休復出跑獲一席第4，乃出道以來第2次三甲不入，惟賽後何澤堯(Vincent)歸因於「黏地」的場地狀況。然而，Vincent周三谷戰又有得騎「六十」，講緊嘅係師傅方嘉柏交畀佢執韁嘅「超強六十」，雖然此「六十」不同彼「六十」，但這匹3歲柏廐馬在港已跑過一仗熱身，並且兩度試谷閘俱有好走勢，今勻初跑谷草，絕對有權變身。

今早為柏廐參戰馬最後試跑朝，小方特意安排「超強六十」在1800米草地由Vincent親試，並與廐侶「喜至寶」及「歡喜福星」進行3腳拍跳，「超強六十」省落去反應超凌厲，勇態已備。期間，練者專誠走到遠至1400米草地欄邊舉鏡睇操，鏡頭相當罕見，繼而留在原地擰轉身恭迎「超強六十」回程，最後當然唔少得追問鞍上人的敏感鏡頭吧！