早前考閘又扭計 朗朗乾坤今日終於退役

今日有4駒退役，早前考閘再次扭計的「朗朗乾坤」，今日在名單之內，此馬後勁強橫，試過包尾追第1，質素有目共睹，可惜兩次陣上唔肯出閘，高質亦徙然。至於東廐4捷馬「勇敢夢想」，早於2月試閘前不良於行，到剛剛試閘亦跑包尾大敗18個馬位，今日亦告除名。蔡廐8歲老馬「平海歡星」至今7捷，今季初亦曾評93分贏二班泥地，累積獎金高達1,111萬，對得住馬主一家了，如今退役希望佢有愜意生活。尚有柏廐低班馬「赤子雄心」除名，此駒為香港拍賣馬，當年馬主以220萬投得，至今贏1場另12度上名，獎金累積240萬。