黃寶妮現身沙田操馬！原因係……

現時袁幸堯、黃寶妮、黎彥麟、林霖4位見習學員前往海外受訓，4位在海外都已經開始上陣。由於鍾易禮即將畢業，所以近日有傳下季將會有見習學員袁幸堯回流香港，當然一切都只係傳聞階段，成事與否仍有待牌委會公布。

另外，今晨(4月30日)就見到黃寶妮(Britney)現身沙田馬場，而且仲為操韋達操「連捷」以及「誠心所願」，之後仲有操格仔馬。不過Britney今次返香港就唔係準備在港出賽，原來係因為澳洲簽證到期需要返港處理新簽證，所以今次會逗留香港1個月，當簽證到手後，佢就會繼續返澳洲受訓，咁亦解釋咗點解Britney早排未有在澳洲上陣。