【大灣區航空Winning Post】架勢奇爸告仔省招牌

周三夜馬9場賽事安排在谷中草地上舉行，以馬房實力而論，告東尼出馬不少，亦有多匹實力馬在陣，宜多加留意。在第6場上陣的「架勢奇爸」是轉倉初出馬，此駒在上手馬房跑谷草1650米爭入第2名，拚敗後隨即要拉倉轉飯鑊，告東尼接手此駒之後，亦重新作打磨，操練備戰十分積極，早前更安排牠在谷中試一課1700米草地大閘，交由布文作考驗，全程走勢甚佳，末段力鬥兩匹高班馬「多巴先生」及「大至尊」跑第3名，走勢絕不示弱，可見此駒鬥心甚強，狀態已在大勇之境。今次再跑谷草1650米是其所長，交由布文執韁，留放功夫較佳，定能發揮其潛力出來，今戰是交代時候，可替東廐省招牌之馬。

配腳方面，「北海盜」上仗在五班打開勝門，當起馬回升四班仍有一爭之力。「銀進」谷戰好手，路合有追勁，亦可作配。「堅闖」曾有心律不正常，休後回勇要防。