尾場合作例不虛發 楊明綸落力再做柏廐殺手

楊明綸目前累積12Ｗ，終於突近破兩季11Ｗ成績，以目前走勢，自然期望可以繼續增添進賬。

雖然今次只得3匹坐騎，但就絕對唔影響佢爭取頭馬嘅機會，因為蘇偉賢同方嘉柏，今季都好撐佢，Chris哥固然提供咗唔少頭馬，而黑夜之神雖然喺何澤堯復出之後，同楊明綸嘅合作就再少啲，但反而貴精唔貴多，命中率更高，睇番上個月阿Keith所贏3W之中，除咗1W來自蘇偉賢，其餘2W就係同方嘉柏嘅合作。

今次尾場再度攜手「意力廸廸」，雖然今季呢匹名氣PP，衝擊四歲馬經典系列未盡如意，呢次重返三班跑，兼且變動配備，相信方嘉柏都好想替呢匹馬變身，來港首仗人馬就曾合作過，默契就絕對無問題。

況且，楊明綸對上同方嘉柏2W，不謀而合都係食尾胡，由全泥夜賽贏「獨角獸」，以至早前日賽再贏「仁心星」，兩隻都係半冷贏馬，今次輪到「意力廸廸」，排番個靚檔，話唔定又會帶來意外驚喜。