大千眼界困死冇癮 何澤堯今鋪衝出沙田灣

Mirror成員姜濤係萬人迷，今年姜濤25歲生日，又再次令到銅鑼灣變「姜濤灣」，當日人群真係多到得人驚呀，而近日網上就有一張外籍人士被姜粉淹沒、身不由己嘅圖片，相中嘅佢一臉無奈，都唔知行好定企好，及後呢位哥仔響網上留言，話唔知點解咁多人將佢包圍，困住覺到好肚餓呀~

其實咁嘅感覺，潘頓都試得多喇，佢成日走入馬林塞死，都唔知係咪叫無奈喇...不過最新主角唔係潘頓，而係何澤堯呀，早前4月中佢夥拍師傅匹「大千眼界」，就係沙田直路重重受困，當時何澤堯不停搵位又出又入，但都係未能望空，最後窄位竄上得第4，但對手早已踩行油到終點喇，「大千眼界」大讓賽都有咁嘅走勢，今個周日再用原裝配搭跑田草1400，睇吓係咪可以殺出血路，唔駛再站著如嘍囉喇~