潘頓一早擸咗 羅廐新星夠搶鏡

羅富全馬房在明日賽事派出9駒上陣，實力絕對唔講得笑，這朝補課日所見，出戰第1場的「聖托里尼」，第3場「大眾勝利」，第5場「天天同樂」，第8場「難以置信」及第11場「誠好運」先後由助手加課，騎往內圈踱步熱身， 練者冒雨替戰駒打點，在機坪及烽火台兩邊走，鏡頭甚為矚目，而巧合地，除了「天天同樂」初次上陣，其餘各駒嘅近績都是三甲之內或新勝，如此悉心部署擺明要連番數胡。

焦點馬匹相信會係熱到辣手的「天天同樂」，3課大閘全勝而且毫不費力，潘頓一早索騎大家都知好料，今晨亮相加課氣定神閒觀感撩人，唔怕賠率乏味就買，繼「壯志凌雲」後又一新星。尾場「誠好運」勝後更勇，埋門操練工整有序，就算升班作賽也有實力佔一席位。